والله وجففتي دارك بالخليط لي كنجفف به حتى تقولي الله يرحم لك الولدين

صاحبة التجربة تقول :

اليوم جربت واحد الوصفة غزالة ديال الأخت أم الحبيبتين وكلت نشاركم تجربتي ولكن

من قبل نعاودلكم معاناتي مع الدار اللي كريت هههههههه
ملي سكنت فيها كان مولاها يلاه سالاها من البني ايوى لقيت الزليج حالته ومطبع بالسيمة

كنعيا نسيق بجافيل والتيد وحتى من الماء القاطع درته 3 مرات والو غير كتنشف

تحلفي عليها عمرها متسيقت حتى حلفت صافي نخرجها ونقلب على الكرى تاني

وانا نشوف طريقة الأخت أم الحبيبتين وجربته وعجابتني بزاف ولي هو

خديت جافيل اتشي وزدت عليه صابونة ديال الحجرة محكوكة وطحنتهم فمونينكس حتى ندمجو

ومن بعد وفزكت الدار بالماء ورميت الخليط وحكيت الارض

واجي تشوفي العجب اللي خرج منها وخليتو شوية فالارض وعاود حكيته

والله العظيم الا خرجت الدار كتشعل والزليج رجع ابيض وتهنيت وفرحت هههههههه