والله مور مادرت هاد الوصفة ماولا رجع ناضلي الشعر فجسمي وتهنيت من لاسير وشفرة الحلاقة..وهذا هو السر

السلام حبيباتي هانا جيت تاني وجبت لك وصفة بطبيعة الحال مجرباها وحتى عطاتني مفعول عاد جيت نشاركها معاكم باش نفيدكم ، حيت عارفة مزيان معاناة الشعر فالجسم وكل بنوتة وسيدة كيعجبها جسمها يكون ناعم وبلا شعر.

المهم ا لالة بلا منطول عليك، غادي تشدي حفنة ديال الترمس المر وديريها مع الماء وتخليهم يتبخو مزيان من بعد غادي تاخدي الماء ديالو وتحتافظي بالترمس فشي بدلاستيكة وديريه فالثلاجة وتجيبي داك الماء ديالو ومن تزولي الشعر غاذي ترشي مزيان على المكان لي زولتي منو الشعر وخليه حتى يشرب وينشف وتعاودي عاود ترشي، ومن بعد ماينشف غتاخدي زيت نبات السعد راه كيتباع عند العطار غير ب 260 ريال مغاليش ودهني به المنطقة، وعاود لاغد ليه ديري نفس الطريقة رشي المنطقة 2 مرات مزيان وعاودي بزيت السعد ونفس الشي فاليوم 3 و4 و5 حتى دوزي أسبوع يكون أحسن، و هانتي تهنيتي من الشعر غادي تلاحظي انه رجع بطيء بالنمو وكينود قليل ماشي بالكمية لي كان ينود بها قبل وعاود ديري نفس العملية زوليه وديري دوك المراحل ومن تم مغاديش تولي تشوفي زغبة وحدة طلعات وتهناي منو واستمتعي بجسم رطيطب دييما وفكل وقت.

والله هاذي الطريقة لي درت والحمد لله تهنيت من شرا ديال لاسير ودوفي عند الكوافورة وشفرة الحلاقة لي كانت دايرالي الحكة والحبوب الحمد لله تهنيت.

قد يعجبك ايضا
عرض التعليقات (2)