واحد الطريقة دلعجينة فشكااال ساهلة ماهلة بلا دليك

ماشي كلشي عندو العجانة ديال الضو فالدار الله يحسن لعوان

داكشي لاش جيت نشارك معاكم واحد الطريقة ديال لعجينة ساهلة ماهلة وغتهنيك من عذاب الدليك

وخصوصا يلا مكانش عندك وقت لي تدوزيه فالعجينة

انا مع كامل الاسف كاعما كنقدر نعجن ولا ندلك ولا ندير بونيات هادشي لي عطا الله

اذن درت طريقة ساهلة لراسي وليت كندير لماقادير كاملة فشي بانيو او كصعة غير كنقييس كمية ديال الدقيق

و كنخلط بل ماء مزيان من لول بحال خبر ديال مصريين تتجي لعجينة جارية

و من بعد كنزيد دقيق شوية بشوية حتى تجمع ليا العجينة ولكن ماتكونش قاصحة

ومن بعد تنخليها تخمر والله وليت كندير شهيوات بيها وكيجيو لذاذ بزاااف

دابا بهاد طريقة وليت نافعة راسي

تنتمنى تجربوها

قد يعجبك ايضا
اترك تعليقا