هذا هو السر ديالي باش كيجني الدجاج المحمر شهوة منو …لي داقو كيسولني أشنو درت فيه!!

هادو جوج نصيحات باش يطلعلك الدجاج رائع  وبمذاق هائل ولي ذاقو عندك يسولك على السر لي فيه باش طايب مزيان ولذيذ وما ناشفش

• ملي تحضرى ليقامة باش تشرمليه زيدي معاها الهريسة في 3 دجاجات ديري معلقة صغيرة من الهريس بلا ما تخلعي راه مكيجيش حار .
• ما ديريش الزيت العادية في الاول خليها حتى يطيب الدجاج و كيجى شارب ليقامة مزيان و دغيا كيطيب، حيث الزيت كيعصي الصدر وكيبقى قاصح وناشف واخا يطيب الدجاج  في الاول ديري غير القياس الكافي من زيت العود أو زيت الزيتون وملي يطيب الدجاج فالتالي زيدي الزيت الرومية ، هكذا غادي يولي الدجاج ديالك احسن دجاج فالعائلة وكلشي يسولك على سرك.