نصائح مهمة جربتها ونفعاتني وبغيت نشاركها معاكم….دخلي واستافدي
مجلة يا لالة جابت ليك نصائح وتجارب مهمة في التدبير المنزلي من الأخت لايدي ستفيدك بكل تأكيد.
1- باش الرفيسة تجي بنينة زيدي فيها كركوب ديال الثومة بلا متقشريها كتعطيها لدة هائلة
2-ملي نطيبو الدجاج محمر وباش المرقة تجي معسلة ومدغمرة زيدي قطرات الخل فالطنجرة ونتي كتحكي قاع الطنجرة بمغرفة العود متجي المرقة معلكة وغزالة
قد يعجبك أيضا
3-ملي نبغو نطيبو اللوبيا البيضا نضيفو وريقات ازير كتجي لديدة ومكضرش مالين المعدة
4- ملي كنكون كنطيب المسمن او الملوي ديال المقلة فقط المرة الاولى فاش كنرش المقلة بالزيت وغي نرمي المسمنة نرشها ونقلبه ونبقا نقلب ونشقلب …هدا هو السر باش كيجي مورق ومحلول وناشف من الادام كيجي غزال ولديد وراجلي مبقاش باغي يشري ديال الزنقة
5- ملي نكون نقلي الحوت كندوزو فالطحين وفالما باش ميطلقش الطحين فالزيت نتمنى لكم الفائدة