نسيت مدرتش الملحة فالخبز ومبغاوش يكلوها حتى لقيت هاذ الطريقة العجيبة وكلاوه بلا ما يفهمو آش واقع !!

سلام الغزالات ديالي نتمنى تكونو بخير وعلى خير

 واش عمرك اعجنتي الخبز وتعبتي فيه ولما تحطيه  على الطبلة تلقايه مسوس؟ ؟؟؟

أنا بعدا فايت وقعت لي وعاجنة بالكثرة وفتالي كنلفاه مسوس

فكرت وفكرت لأن حتى واحد ما بغاه لي ومبغاوش ياكلوه وصيفطوا على الخبز من الحانوت

وانا قلت والله ما نضيعو وغنفكر فشي طريقة باش نصلجوا ويتكال

المهم الطريقة لي درت بلا منطول عليكم هي

 ذوبت الملحة في شوية ماء سخون وصفيتو ومن بعد دهنت بيه الخبز من الوجه ومن القفا بشيتة

وسخنت الفران ورديتو حتى نشف مزيان وشرب الملح وحطيتو ليهم ثاني

وكلاوه بلهفة بلا ما يفهمو آش واقع هههه

اوا كيف جاتكم الفكرة ؟؟

كنتمنى تكون واضحة ومفيدة حبيباتي