من أحسن الخلطات التي جربتها..تزيل شعر الوجه وتشد وتنظف البشرة وتزيل حب الشباب واثاره بلا ألم ولا عذاب..أنصح البنات بتجربتها
سلام البنات نتمنى أموركم تكون على خير
اليوم جبت ليكم الحل النهائي بإذن الله لمشكلة شعر الوجه وتيقوني البنات يلا تبعتو الطريقة كيفكنقول ليكم
غتهناو منو للأبد بلا متستعملو الحلاوة أو لاسير أو الخيط أو أي أداة حلاقة لي كيكون فيها ألم كبير
وتقدر تسبب الحبوب وتكماش للبشرة ودغيا ينود الشعر موراها
بلا منطول عليكم نبداو على بركة الله
غتحتاجو ملعقة كبيرة ديال عصير الليمون الحامض وملعقتين من الطحين
غاذي تخلطوا المكونات مع بعضياتها مزيان وتبداو تديروها على وجهكم وتخليوها حتى تنشف مزيان شي نصف ساعة
ومن بعد جيبو شي بونجا أو طريف ديال الفاصمة لي كيستعملوها فالصبيطارات وتبلوها غير شويا بالماء وتبداو ديرو حركات دائرية لوجهكم راكم فديك الساعة كتحيدو الشعر شي كيتحيد وشي كيبقا مستاعد أنه يتحيد فمرة أخرى منين تعاوديها وبنفس الوقت كديرو مساج للوجه وتنشطو الدورة الدموية.
من بعد منين تزولوه كامل رشو وجهكم بالماء الترمس المر ومن بعد دوزو قطنة مبللة من ماء الورد .
البنات متنساوش تعاودو نفس طريقة 3 مرات كل أسبوع باش يزول الشعر كاامل من الوجه وتهناي منو
صدقوني البنات راكم غادي تهناو من شعر الوجه بطريقة ساهلة وسليمة فقط يلا تبعتو الخطوات
راه أي وصفة قبل منديرها ليكم كنجربها أنا أو كنجيب وصفات مجربة ماشي غير اعتباطين