منين تنقي خيزو مترميش القلب ديالو هاشنو ديري به ويلا معندكش الربيع هاباش تعوضيه
السلام عليكم يا الحادقات او طبعا راه كول وحدة بحداقتها الحمد الله
جبت ليكم واحد الفكرة باش تستاغلو القلوبة ديال الجزر فعاوط مترميهم في إطار حتى حاجة متضيع وحتى حاجة مترمى
حيت بكل بساطة كل حاجة وعندها المنافع ديالها على صحتنا وجمالنا
واحد النهار حليت الثلاجة ديال ماما او لقبت فيها ميكا ديال القلب ديال خيزو جمعاتو منين خضرات بيه
وقلت مع راسي ياترى يا هل ترى اش غادي تدير بيه
اوا منين بغات تسلق الباربا باش تدير بيها العصير زادتو معاها
قالت لي من النهار سمعات باللي الفوائد ديال خيزو كولها كاينا فهاداك القلب مابقاتش كتلوحو
والعصير كيجي رااائع
نزيدك فكرة أخرى، ملى تشري الربيع ، معدنوس وقزبر وتنقيهم خذي الاعواد تاعهم مترمهمش قطعيهم طوال شوية وربطيهم بخيط يكونو مغسولين
وخبيهم في بلاستيكات صغار وقت ما كنتي باغية تعملي شي اكلة بحال الرفيسة العمية او الحم ببرقوق مكيبغيش ربيع يبان تستعمليهم كينسمو
زوين وحتى الى مكنش عندك ربيع هديك ساعة موجود تقدري تعوضي بيه.