ما دوريش الحريرة بالطحين دوريها بهاذ الخليط كتجي راااااااائعة ومغذية

“دوري الحريرة بالخضر مطحونة

وما دوريهاش بالطحين

كتجي وااااااااو لذيييييذة”

هاد العبارة اللي باللون الأخضر

نقلتها لكم بالحرف من عند

واحد السيدة التقيتها في سفري الاخير..

قالت لي انها ما كدّورش الحريرة

بالدقيق أبدا ..

بل كترمي خيزو وبعض الخضر الأخرى

فالطنجرة ديال الحريرة

وملي كيجي وقت التدوار كتخرجهم

وتطحنهم فالخلاط الكهربائي

وتدور بيهم الحريرة

قالت لي انها كتجي بنينة وهي صحية

افضل بكثيييييير من الدقيق

الفكرة وااااااااضح انها روعة

لكني اخالفها الراي في نقطة

وهي ان الحريرة آش جابها للّفت والكرعا…الخ

كنظن فقط خيزو كاااااااف

باش ندوروا بيه الحريرة

وهو اللي كيتماشا معاها

 

اذن اللي قتانعات بالفكرة

تعمل خيزو كما هو

ومن الأول يطيب

وملي تبغي تدور الحريرة تجبدو

بمنتهى السهولة مع شوية مرق الحريرة

وتطحنو فالخلاط مزيان

وتدوّر بيه الحريرة

 

قد يعجبك ايضا
اترك تعليقا