لي هجم عليها سراق الزيت فهاذ الصيف وما لقاتش اسيد بوريك عندي ليها الحل دقة بطلة

سلام عليكم
البنات لي ما لقاتش اسيد بوريك للي قالو لبنات كيصلح لسراق الزيت الحل هو واحد بومادا اسمهاaction

انا تهنيت منو دبا ما بقاش يطوف فالدار بفضل هاد لبومادا شريتها من عند واحد دروكري بصدفة حيت مشيت تنقلب على اسيد بوريك للي قالو عليه الاخوات في المنتدى ملي مالقيتوش عند هاد دروكري قالي عندي واحد بوماد مصنوع من اسيد بوريك حتى هو سميتو action
راه دقة بطلة .

و ما فيها حتى ريحة غير بومضا تديري منها مقدار صغير في حجم للوبيا في اماكن تواجد سراق الزيت ومن بعد واحد 2 دقايق تقريبا تيبدا هداك سراق الزيت الصغير يخرج بوحدو و خا انت واقفة حداه ما تيباقش يخاف
و تيتجمع عليها
اما ثمنها غير 20 درهم
غير خصك تقلبي عليها حيت ما لقيتهاش عند جميع الدروكريا غير واحد في هاد المنطقة جاراتي كلهم صيفطهم عندو درت ليه اشهار ههه.

بالنسبة لطريقة الاستعمال غير ديري شوية ديال لبومادا تقريبا قد حجم اللوبيا في الاماكن اللي تيكون فيها سراق الزيت مثلا ديريه فلكوزينة تحت الثلاجة و الفرن و تحت لبوطاجي
ان شريتيها غتلقاي الطريقة في الغشاء ديالها
ملاحظة باش ما يرجعش تاني مرة اخرى يجب اغلاق المنافد للي تيدخل منها للدار عدم ترك بقايا الطعام مثل فتات الخبز و يجب استعمال جافيل
و اهم شيء ملي تديري هاد لبوماد خليه شي ايام عاد خملي ثم لوحي بعض اوراق سيدنى موسى في ديك الاماكن

انا استعملتها و ما بقيتش نشوف ليه اثر هادي مدة

قد يعجبك ايضا
اترك تعليقا