لي داق الميونيز ديالي كيحلف أنني مصيباه بالفرماج والحليب والسر هو هذا

هاد المايونيز كيف سبق وقلت كلمة راااااااائعة جد صغيرة في حقها الا اشفتها تحلفي مصايبة بالحليب والفرماج وهي سرها في الماء نخلكم مع

الطريقة باش نقرب ليكم الصورة أكثر

عندنا 2 اصفر بيض

كنخلطوه مع ملعقة موطارد كبيرة

حنا كنضربو فقط بالضراب اليدوي العادي

والنقطة الجد مهمة في سر نجاح الوصفة هي انك تضربي بطريقة دائرية يعني الا كنتي تضربي على جهة اليمين بقاي مستمرة على جهة اليمين

الى يسار استمري يسار يعني متعمليش يمين يسار او العكس

من نضربو مزيان مزيان البيض مع المطارد في دقة وحدة هنا كناخدو الزيت

غادي تقولو لي اشحال ديال الزيت غادي نجاوبكم ونقولكم الا بغتي حتى 20 لتر زيت اعمليه فيها

ما اتستغربيش راه قلت لك عالم الطبخ راه فن والفنون جنون

مثلا الا نتي في الدار اعملي فقط بيضة واحدة وديري نصف لتر زيت او لتر او حتى 20 لتر كما قلت حسب الكمية لنتي بغيها والاجمل انها كتبقا حتى

2 سيمنات اعمرها تخسر

مهم الزيت باش تنجح لك

غادي تشدي اغطاية الزيت تقبيها بموس ونتي كتضربي باستمرار كتخوي الزيت بلحق كنخوي غي بجهد 2 معالق تقريبا ونحرك في نفس الوقت ونضرب مزيان وبقوة حتى ميبقا يبان لي زيت ونزيد بشوية بشوية بنفس الطريقة الله يجعلني ندير حتى 20 لتر غي بجهد 2 معالق ونضرب حتى ما يبان الزيت ونعاود نخوي

من مثلا نبغي نعمل لتر زيت من نوصل نصف دياله غادي ناخد كاس صغير الماء نخويه على المايونيز
باش لون يتفتح ميبقاش اصفر وباش تخفاف وانا كنضرب في نفس الوقت غي تقال بزاف نزيد الماء الا خفافت زيدي الزيت واش مفهوم في الاخير نزيد الملح والابزار

وانا كنضرب

حتى نحصل على المايونيز لبغيت

وبالصحة والراحة

اضافة

الا بغتي تلوني المايونيز بمواد طبيعية

الاحمر = ماء لصلقتي به البربا خبي منو القياس ولوني به المايونيز ديالك
الاخضر = ماء ديال القزبر ومعدنوس عصريه ولوني مايونيز ديالك
ليموني= الجزر نفس الشيء ماء ديالو من يتحك عصريه ولوني

هادي حنا كنلعبو علها بالالوان في السلطات يعني كنرشوها بشكل عشوائي بالالوان

وطبعا كيقولك زوق تبيع هههههههه العين وكالة قبل الفم

قد يعجبك ايضا
اترك تعليقا