لي بغات تهنا من ثلاتة تفويرات ديال سكسو تدخل
السلام عليكم حبيباتي
نتمنى تكونو كلكم على خير
اليوم جيت نشارك معاكم واحد الطريقة غتهنيكم بزاف منين تجيو تطيبو الكسكس
هاذ الفكرة بغيتكم تستافدو منها و هي الطريقة اللي كنعتامد فتفوار ديال سكسو ديما
قريت فواحد المنتدى فشي وصفة ديال سكسو ثلاتة تفويرات وأنا كندير غيييير جوج
والطريقة ديالي بسيطة وها كيفاش كنديرلو
كنقبطو سكسو كنديرو التفويرة الأولى عادية كنرشو بشوية ديال الما و كنردوه يفور
السر فالثانية منين كيفور الاولى كتقلبيه فقصرية ولا بانيو أو فعوط ما ترشيه بالما بارد كديري ما طايب
و هاكدا كتنقصي عليك تفويرة
ومن بعد ديري ليه الماطايب أو الملحة طبعا خله شوية حتى يشرب داك الما
و عاد دهنيه بالزيت و رديه يفور للمرة الثانية و الأخيرة
و بالصحة أو الراحة
نتمنى نكون فدتكم