لي باقي مجربات البوراك التركي بالخضرة ضروري تجربو كيجي لذيذ واقتصادي بعجينة ساهلة ماهلة!!

من مطبخ أم رزان cuisine_oum_razan نقترح عليك البوراك التركي بالخضرة

المقادير

400غ الدقيق، دانون طبيعي،50مل الزيت مخلط، ملعقة خميرة معجونة، م ص سكر، ملح، ملعقة الخل، نصف كأس ماء دافئ.
نخلط كأس من الدقيق مع الخميرة، ملح، السكر و الماء و الياغورت، يترك الخليط يرتاح 15 دقيقة، أضيف باقي الدقيق و ندلك (عجين رطب مرخوف)، يترك يرتاح ، ثم نشكل 9 كرات (أو حسب حجم الطاولة)،ترتاح الكويرات و تمدد رقيقة بزاف بالدلاك على شكل مستطيل مع الرش كل مرة بالنشا، نذهن المستطيل بقليل الزيت بواسطة شيتة، و نضع الحشوة على الحاشية و نلف للحصول على حربول. تصفف كل الحرابل جنب بعضها في لاطة مفروشة بورق الزبدة، تذهن بصفار البيض مع الخل، و تقطع اصابع و ترش بالزنجلان، تدخل الفرن عافية متوسطة .
الحشوة:

بصلة كبيرة مشحرة في قليل من الزيت مع2 جزرات محكوكين و كرعة محكوكة، و فلافل ملونة، و الشومبنيون+ ملح، ابزار، بودرة الثوم، معدنوس،الزعتر محكوك، ملعقة مطيشة الحك،تحميرة و هريسة، صوص الصوجا، نخلط الكل،تزال من فوق النار و نضيف 2 علب الطون مصفي و الفرماج محكوك، الزيتون مقطع صغير..