لاسير لي كنصايب فالدار هناتني من الكوافورة و بدون ألم أو حساسية

 لي بغا تصوب الحلاوة فهذه طريقة سهلة و مجربة و أنا شخصيا عملتها شحال من مرة .بلامنطول عليكم .غتحتاجو

كأس سنيدة

نصف كأس ماء

ربع كأس عصير حامض

يخلط الكل و يوضع على نار هادئة مع التحريك المستمر حتى يصبح لون الخليط ذهبي ناصع شوية و تزولوه من على النار و تصبوه فشي إناء بلاستيكي و تركوه حتى يبرد ثم تتجمعوه و تبداو تتلعبو بيه و تبقاو تجبدوه و تجمعوه حتي يولي ساهل في الخدمة ثم تتعملوه كويرات صغار لقياس لي بغيتو و يمكن تحتفظو به فشي بلاستيك ملي تبغيو تستعملوه كتخدمو لكويرات باش يترخاو و تزيلو بيهم الشعر كيفما عارفين المهم أنه مايكونش تيتلصق ليكم في إيديكم.هذه كتبقى طريقة سهلة و سريعة فخدمتها و زد على ذلك أن الشعر تيتعطل في النمو من جديد. أتمنى أن أكون قد أفدتكم و دعيو معايا شي دعوة زوينة الله يحفظكم وشكرا