كيكة المرميطة بالشكلاط والفاني

كيكة كاتجي زوينة بزااف و مفشفشة و خفيفة و ماشي ضروري المول اللي كايتحل انا درتها غير ف مرميطة(الطنجرة)،وصراحة جات حسن من المول غير هو خاص الطنجرة تكون عندها اليدين ديال الحديد .

المقادير:

250 g دقيق
200g سنيدة
5 بيضات
120 ml حليب
150 g شكلاط اسود
50 g زبدة
قبصة ملح
1 ساشي فاني
8 g خمارة الحلوى

الطريقة:

اول حاجة كتشدي شكلاط وزبدة ديريهم فحمام مريم حتى يدوبو،وخليهم على جنب فحمام مريم باش ميجمدوش.

خذي البيض وفصلي الابيض عن الاصفر،وطربي الابيض مع قبصة ملح مزيااان بالطراب الكهربائي  وضيفي نصف كاس سنيدة وكملي حتى يرجع فحال الثلج،من بعد غادي تشدي الاصفر زيدي عليه نصف الكاس الباقي  والفاني والحليب،وطربو مزياان حتى تتجانس المكونات،ثم ضيفي الدقيق مخلط مع خميرة الحلوى وخلطي مزياان،فالاخير ضيفي ابيض البيض لي طربتي شوية بشوية.

المرحلة الاخيرة غادي تقسمي الخليط واحد خليه ابيض،والاخر ضيفي فيه الشكلاط لي دوبتي فالاول وخويو فالمول على حسب الشكل لي بغيتو،والتزيين يبقى على حسب الرغبة.