كيتخنق ليك لافابو ومعذبك؟؟اجي نقوليك الحل لي غادي تشكريني عليه والقادوس يتسرح ليك فالحين

السلام عليكم ورحمة الله وبركاته

مني كايتخنق لافابو و خصوصا لافابو ديال المطبخ كانوليو احنا اللي مخنوقين…
المهم وقعات ليا هاد الخنقة البارح …حليتو سرحتو ..والو…خويت فيه جافيل كيما قريت فالتجربة ديال واحد الاخت ..والو ..خويت قرعة ديال الماء القاطع

تخيلو ..ماطرا والو وبقى مخنوق

مشيت عند مول مواد التنظيف قلت ليه اعطيني الماء القاطع ديال الاستعمال التجاري يعني 28° و ما فوق…
السيد ما فهم والو و قال لي راه ممنوع لاش بغيتيه…و شرحت ليه ظروف النص،مسكين نصحني بواحد الحل ارخص منو ما كاين.

5دراهم ديال اللاسود la soude caustique en paillettesماشي البيكربونات دو سود +خوي فوق منها ماء سخون و سمي الله طبعا

والله العظيم حتى تسرح انا براسي تفاجئت من النتيجة.