كنت فينما نحل البكية ديال التيد تهرقلي الربع منها حتى لقيت هاذ الفكرة لي هناتني ومكتشدش ليا البلاصة

السلام عليكم حبيباتي

نتمنى تكونو على خير

حبيت نشارك معاكم بواحد الفكرة معرفتش واش تععجبكم ولا لا

المهم ملين كنشريو بكية ديال التيد الكبيرة 2 كغ في ميكة يلا حليناها كتبقى تزلع

لذا أنا كنخويها في بيدو ديال عين سايس 5 ليتلر وكنتحكم في القياس لبغيت

ومكتشدش ليا لبلاصة في البراكار

وكندير منها حتى طريقة أخرى ولي هي

كناخد طاسة كبيرة و كنزيد عليها الماء الكافي كتولي فحال عجينة خفيفة

و كنستعملها

نتمنى تكون عجبتكم الفكرة