كل وحدة فينا كتعرف تطيب ولكن ما فيها باس دخلي نزيد 2 أسرار ديال البنة تخلي كلشي يشكر ماكلتك

السلام عليكم الصحيبات كدايرين توحشتكم ….. ندخل فالموضوع كل وحدة فينا كتعرف انه الطياب مشي غير اجي او طيب او غدي يجيك بنين ..اوزين او شحال من وحدة كتسول الاخرى كتقول ليها السر فاليدين……كل وحدة فينا كتعرف تطيب ولكن ما فيها باس دخلي نزيد 2 أسرار ديال البنة تخلي كلشي يشكر ماكلتك……اليوم بغنا نتكلمو على اسرار الطياب البنين….عندي لكم 2 ديال السرار ..

السر الأول هو

البطبوط شحال من وحدة كتعجن البطبوط او تكورو حتى يخمر عاد تكرصو او تخليه يخمر تاني عاد تبدا تطيب فيه كيجي غليض او دغيا كيبس كيقساح ….او الصراحة كيجي عامر باللبابة معجن شوية البطبوط…كيتعجن…..عاديييييييييييييييي..كيتكور عادييييييييي حتى يخمر او كنردو المقلة تسخن كنبداو كنكرصو الاولى مزيان نرققوها او الدقيق غير من جهة وحدة او الجهة التانية بلا دقيق نحاولو نكرصوها هكداك حتى نكملو او كنبداو نرمو من الاولى غير تسخن نقلبوهامنخلوهاش حتى تتبوقل لينا….غير تبدا تتحمر شوية تاني نقلبوها الجهة الاخرى حتى تتنفخ لينا مزيان او تتطلع ديك الساعة راه نجح لينا البطبوط ديالنا…كنضمنو بديك الطريقة. انة طايب مزيان…او يبقى النهار كامل او حتى الى بات كيبقى رططب…..كولو بعنكم مغمضين …اوا زدزنا من عندكم الحدكات….او شي دعوة يرزقني ربي بشي مولود دكر

السر التاني

الطاجين بالخضر باش يجي لذيذ بزاف….قطعي البصلة كبيرة مشي رقيقة ….او متكتريهاش غير 4 او5 قطعكبار شوية مع الزيت مخلطة العود او الرومية…او لحمات…يتقلاو على خاطرهم حتى يقرب يطيب اللحم عاد زدي القوام الملح الخضر اللي متوفر مطشة من الفوق قطعة الحامض فلفلة وسدي بمكة بيضة غليضة من الفوق عاد ردي الغطار نتاع الطاجين او غير بالمهل حتى يطيب بلا متزدي الماء غير ديك الخضرة كتتطلق الماء نتاعها او كيجي غاية فاللدة ..جربو او ردو عليا الخبار..

 

قد يعجبك ايضا
اترك تعليقا