كرواصة و شنيك بعجينة سهلة أروع من المخبزات

السلام عليكم أخوكم مروان يحييكم وكنقدم ليكم كرواصة وشنيك بعجينة هائلة
بعض الأخوات طلبو مني هاد الوصفة ونتمنىتعجبهم هاد الطريقة

المقادير

20 غرام ديال خميرة معجونة
نصف كأس متوسط ماء دافئ
كأس متوسط زيت
كأس كبير حليب دافئ
4 كيسان كبار طحين أبيض
أبيض بيضة
2 إلى 3 معالق كبار سنيدة
ملح

طريقة التحضير

ندوب الخميرة فهداك نصف كأس ديال الماء
في إناء نعملو الطحين + السنيدة+الخميرة المذابة+الحليب+الزيت+أبيض البيض تم نعجنو حتى يقرب يتجمع كلشي عاد نزيدو الملح باش تخمر دغيا
نعجنوها مزيان حتى نحصلو على عجينة لينة
نغطيوها ببلاستيكة ونخليوها ترتاح قليلا 10 دقائق
نقسمو العجين إلى 8 كويرات متساوية
نغطيوها ببلاستيك ونبداو نطلقو كل كرة وندهنو بالزبدة العادية اللينة
نحطوها جانبا ونطلقو الكرة الثانية بالدلاك بلاطحين وندهنوها بالزبدة
ونحطوها فوق الأولى
ونستمرو حتـى نكملو كلشي
غدي نحصلو على طبقات دائرية نطلقوهم بالدلاك
وحنا كنقلبوهم مرة مرة باش يجيو متساويين
إلا بغينا نديروها كرواصة نخليوها دائرية ونقطعوها مثلثاث ونعملو الشكلاط ونلويو
ولا بغينا نديروها شنيك نطلقوها مستطيلة ونصيبو بوديغ أو فلو يكون عاقد أو نديرو كريم باتسيير
ونرشو فوقها الشكلاط والزبيب ونروليوها
ونقطعوها ونستفوها في طاوة الفرن
ندهنوها بأصفر البيضة +شوية فاني+شوية سنيدة+شوية الحليب
نخليوها تخمر ونطيبوها وبالصحة والراحة