فكرة تخليك تستغناي على النيسكافي وتشربي قهيوة وحليب وتبنني مع راسك
كيفما تنعرفو جميع باللي القهوة سريعة الذوبان ماشي صحية وكضر بالصحة والقهوة المطحونة ال طيبتيها وخلطيها مع الحليب تايولي داك الكويس اللي عشقتي كلو غير ماء لهذا جبت ليكم واحد الطريقة روعة كيولي عند كاس مركز من الحليب والقهوة هاذ الطريقة كانت كاتستعملها لينا ماما الله احفظها ويعفو عليها ملي كنا صغار
المهم كاتديري الحليب قياس اللي بغيتي او ديري القهوة غبرة القياس اللي بغيتي او ديري شوية السكر غير باش تجي معلكة شوية او نقسي العافية او خليهم حتى ايغلاو مزيان مللي افيض حركيها مزيان او طفي عليها او زيديها ملعقة نيدو هاد الفكرة د نيدو شفتها فالمنتدى الله اجازي مولاتها بالخير الى ماعندكش حليب غبرة كتافي غير بالحليب العادي هذه غير اضافة و خلطي مزيان او صفيها فصفاية رقيقة باش تحيد ليك داك التخت دالقهوة
راه كتجي روعة و مركزة
نتمنى تعجبكم الطريقة