فالمرة الأولى غتهناي من المسام الواسعة والنقط السوداء بهاذ الوصفة لي مكتعداش 10 دراهم..وجهك غيبياض بلا نقطة كريم أساس

سلام غزالاتي كيف راكم توحشتكم قاااااااااااااااااااااااد هاااااااااكااااااااااااااااااااااا ههههه

كيف راكم مع سيدنا رمضان ؟؟ كاين شي شهيوات ؟؟ صافي اليوم نفطر معاكم ماسوقييش ههههه

عارفكم مالين الخير بصحتكم وراحتكم والله يدخل علينا رمضان بالصحة والسلامة ومغفرة الذنوب

المهم غزالاتي بلا منطول عليكم اليوم جبت ليكم وصفة للوجه عندها مفعول رائع وفيها بزاااف ديال المزايا

فهاد الشهر المبارك غنخليو وجهنا يرتاح مسكين من المكياج وفنفس الوقت نديرو غير الوصفات لي يغنيونا أكيد على المكياج

المهم الوصفة ديال اليوم فيها 2 مكونات فقط ولي هما دقيق النشا أو مايزينا والحامض ولي بشرتها كتحسس من الحامض بحالي غدير ماء الورد

انا النشا كناخدها بالعبار وكتدوزلي الخير كناخد منها 5 دراهم وكتبقالي مدة طويلة

اوا حبيباتي غادي تغسلو وجيهكم بالماء والصابون مزيان وديرو البخار للوجه لمدة 15 دقيقة باش المسام يتفتحو مزيااان

وديرو فداك الماء ديال البخار إما الخزاما أو البابونج أو الزعتر أو أي عشبة بغيتوها ومتوفرة عندكم

من بعد ديك المدة غتمسحو وجهكم بقطنة باش تحيدو كاع ديك الوسخ لي خرج

من بعد غتخلطي النشا مع عصير نصف حامضة أو ماء الورد تدريجيا حتى تعطين قوام على شكل دالعجين وطبقيه على وجهك

وخليه 20 دقيقة حتى يبس وبللي قطنة بالماء دافئ وفركيه بحركات دائرية ومن بعد غسلي وجهك بالماء البارد

صدقوني البنات والله حتى تحماقو على بشرة وجهكم غير جربوها على حسابي

قد يعجبك ايضا
اترك تعليقا