غسول الفم العجييب لي كنصايب كيبيض الاسنان و يعالج اللثة والرائحة يا سلااااام

 السلام عليكم يا بنات

الا بغينا نحافظو على سنيناتنا و اللثة ديالنا من الالتهابات خصنا و لابد نستعملو يوميا غسول الفم او bain de bouche

كاين بزاف ديال الطرق باش نصايبو غسول ديال الفم او bain de bouche طبيعي و في الدار

نوريكم طريقتي:

انا كنستعمل الملحة الحية مع حبيبات ديال القرنفل و الما سخون كنخليهم يطلقو مزيان و نديرهم في قريعة و نحطها في الحمام و من بعد كل مرة حكيت فيها سنيناتي كنشللهم بهاد الغسول و يمكن تخففيه بالماء.

طريقة اخرى:

كتاخدي زعتر او فليو او السالمية او هما بثلاثة
حبات من القرنفل وأعواد القرفة

كتغلي الماء مزيان لتر واحد في كسرونة من بعد كتغسلي الاعشاب ديالك وديرهم في كسرونة غير يغلاو طفي العافية وملي يدفى الخليط ديره في قريعة و حطيها في الحمام و ها bain de bouche واااجد و النتيجة اسنان بيضاء و لثة منعشة.

نتمنى الفكرة تعجبكم و تستافدو منها و متنساونيش من صالح الدعاء