غديوة مبتكرة و لذيييذة..رولي الدجاج بالخضر

 

مقادير طريقة تحضير رولي الدجاج بالخضار  :

صدر دجاج تبلتو ملح و فلفل اسود و سنينة ثوم مرحي و فلفل حار مقطع رقيق ملعقة كبيرة خبز مرحي ما نحطش البيض ابدا

و نحلو فوق بلاستيك غذائي و نطيب لوبيا ماشطو او فاصوليا و جزر حبة كاملة ما نقطعهاش و نطيبهم نص طياب

كي طيب نقطع الجزر شرائط طويلة و نحطها فوق الدجاج بابتناوب مع الفاصوليا حتى نغطي الدجاج كامل

ثم نلف الرولي و نجيب قدرة كبيرة نحط ملعقتين زيت و شوي زبدة نسخنهم ملييييح و نزل الرولي نقلبو مليح حتى يتحمر

و نضيف حبتين بطاطا مقطعة الشكل لي تحبي و الفاصوليا لي بقات و نقلبهم في الزيت و الزبدة لي بقاو و نزيد شوي ثوم مرحي

و ملح للبطاطا فقط و الفاصوليا و رشة فلفل اسود و بصل مرحي و بقدونس رشة راس الحانوت

نقليهم مليح و نمرق ونخليهم يطيبو مليح حتى يطيب الرولي تماما و كذلك البطاطا

من بعد نجيب سكين منشاري و نقطع الرولي و نحط الشرائح مع البطاطا و الفصوليا لي يكونو تشربو الصوص تماما و طابو مليح

و شهية طيبة

قد يعجبك ايضا
اترك تعليقا