عندك قريعات بحال هادو أجي نوريك وصفة ديما واجدة زوينة للهالات السوداء

لي عندهم الهالات السوداء تحت العين و معكازات و مافيهم مايحك الخيار كلا نهار عاد ملي كيديرو الخيار فوق عينهم كيتكب ليهم الما ديال الخيار على الخدية و على حوايجهم ، غادي نوريكم طريقة عمليه و ساهلة و من اختراعي ههه
عرفتو دوك القريعات الصغار لي تيكون فيهم ريحة المسك و العنبر راه تيبيعوهم الاخوانيين حدا الجامع راه تيكون فراس دوك القريعات بييي بحال لي فديودورو ياك عرفتوهم ؟
الموهيم تاخدو وحدة من دوك القريعات تغسلوها مزيان و تنشفوها بالسيشوار و تعمرو نصها بالما ديال الخيار و النص الاخر بزيت الخيار و ترجعو ليها البييي ديالها و تسدوها و ديروها فالثلاجة و كلا ليلة تحركوها مزيان و دوزوها تحت العين و فوق العين راها ساهلة و عملية و هداك البييي ديالها تيدير بحال مساج لتحت العين شفتو على اختراع ههه
و تقدرو تستعملو دوك القريعات حتا لشفايفكم تعمروهم بزيت الكوك و تبقاو دهنو شفافيكم بداك البييي
قد يعجبك ايضا