عطر المسك لي كنصايب بيدي لرائحة فواحة تطيير العقووول….راجلك غادي يتسطا

جبت ليكم اليوم عطر من مجموعة استوحيتها من سنوات من مركز لتجميل والطب البديل
والصارحة فهاد الاسابيع الاخيرة سمعت عدة طرق من خبراء التجميل وفكروني الصارحة فيهم لهدا قررت نعطيك مجموعة من الطرق لتحضير العطور
منكدبش عليكم هاد العطر هو عطري المفضل ودائما كنصايبو وكنتعطر بيه راه ماشي غير انا راه انا وبناتي وبيتي وجيران كيشموه من الشراجم هههههههههههههه
نبدا على بركة الله

ناخدو كاس كبير من لانكول الي كيتباع فالصيدلية راه كلشي كيعرفو
كاس كبير ماء الورد
مربع مسك

قرعة الزاج

ايما كندقو المسك او كنحكوه ونعملوه فالقرعة ونصبو عليه ماء الورد تم لانكول ونسدو عليها ونحركوها جيدا ونحتفضو بها فمكان مضلم مدة شهر ملي تنتهي المدة نصفيو العطر بمنديل نضيف ونعملو العطر ديالنا فقريعة ديال الريحة راه موجود كيتباعو فمحلات العطور بثمن مناسب ملي نصفيو العطر نعملوه فهديك القريعة ونرشو به بالصحة والراحة راه عطر مجهد وغزال طبعا لناس الي كتحب رائحة المسك
اما بالنسبة لزيت المسك والي انا كنعتامدها فتعطير جسمي وترطيبو عقب كل حمام وراكم عارفين عزاز على قلبي والا منبوحش بي اسراري ههههههههههههه راه منقولكومش رائع بما في الكلمة من معنى

مربع مسك

زيت جونسون والمعروف بفعاليتو في ترطيب الجسم

نحكو مربع المسك او ندقوه حتى يصبح بودر نعملوه فزجاجة نضيفة ومعقمة ومجففة نصبو عليه قريعة جنسون كاملة ونغلقو الزجاجة ونعملوها فحمام مائي مدة 30دقيقة ونزولوها نحركوها ونكررو هاد العملية 3 ايام تم نحتفض بها بلا منفتحوها مدة اسبوع ملي تنتهي المدة نصفيوها ونتمتعو بزيت المسك الفواح امممممممممممممممممم يا سلام انا راه علاين يحمقني المسك هههههههههههههههههههههه ايوا هدا جهدي ههههههههههههههه تمحنت ياكم هههههههههههههههه ايوا الله يجدعلنا دائما ضاحكين يارب تحياتي
ملاحضة ان شاء الله باقي غادي نزل لكم طرق اخرى لتحضير عطركم المفضل ومزيلات العرض وزيد وزيد راه مزال فجعبتي الكتير ان شاء الله ان قدر الله لنا اللقاء والبقاء ودمتم سالمين