عروسة جديدة و بغيتي تجهزي كوزينتك؟…جبت ليك هاد اللائحة تسهل عليك كولشي

السلام عليكم البنات،
أنا يالاه بديت حتا أنا نجهز الكوزينة وقبل كنت دايرة لائحة هي لي غاتساعدني فالتجهيز واليوم بغيت نحطها نفيد بها الأخوات اللي مقبلات على تجهيز بيوتهم. ولي عندها شي فكرة جديدة ولا نسيت شي حاجة تزيدها فاللائحة.
وبالطبع هادشي لي غنكتب كاين لي بالنسبة ليه ضروري وكاين لي لا كل واحد وجيبو. وحتى الأعداد ديال السرابس دلكيسان وداكشي على حساب حجم العائلة، المهم نبدوا على بركة الله:

1-الأجهزة:
– ثلاجة
-كويزينيير / أو Plaque و فران
-آلة التصبين
-الطحانة الكهربائية
– الباتور
-آلة البانيني
-الشواية الكهربائية
– آلة الطبخ بالبخار
– عصارة ليمون كهربائية
– قطارة القهوة
-عجانة

2- المواعن:
– براد للضياف/ براد للاستعمال اليومي
– 12 كأس للضياف/ 12 للاستعمال اليومي (أو 6)
– 2 Thermos للضياف/ 2 للاستعمال اليومي
– 12 Tasses للضياف/ 12 للاستعمال اليومي (أو 6)
– 12 كأس عصير للضياف/ 12 للاستعمال اليومي (أو 6)
-12 كؤوس ماء (أو 6)
-2 قراعي او غرارف للماء أو العصير
-12 coupes لسلطة الفواكه (أو 6)
-12 زلافة للاستعمال اليومي (أو 6)
-سربيس سوبيرة وزلايفها
– 3 بلاطويات للضياف/ 3 عادي
-2 بلاطويات بلاستيك / 1 صغير لتقديم الماء
– مجموعة ملاعق وسكاكين وفراشط للاستعمال اليومي
-مجموعة ملاعق وسكاكين وفراشط راقية للضياف
-سربيس الطباسل مختلف الأحجام ( كنفضل المجموعة لي فيها 36 فيها مختلف الأحجام وتينفعو للحلوى والمملحات والشلايض وكلشي)
– 4 طباسل طوس أو غيره للتقديم 2 كبار وجوج متوسطين
– بواطات او طباسل زجاج لتنحطو فيهم الزبدة والكونفتير والعسل….
– علب بلاستيك متعددة الأشكال والأحجام لاستعمالات مختلفة
– علب زجاجية لحفظ الأكل الساخن مثلا
– بانيوات البلاستيك
– Les bols saladiers
– Les Moules 2 مدورين حجم كبير ومتوسط / Les Moules 2 مستطيلين حجم كبير ومتوسك
-1 Moule للكيكة عادي
– 2 طباسل Pyrex للفرن كبير ومتوسط مثلا
– كوكوط
– سربيس طاوات
– سربيس كسرونات
-سربيس مقالي + مقلة البغرير والكريب
– علب للعطرية
– علب للقطاني
– قطاعة القزبر والمعدنوس
– حكاكة / صفاية كبيرة وصغيرة/ قطاعة البيتزا/ موس وملعقة لتقطيع وتقديم الحلويات/ مجموعة Les spatules ديال الخشب/ Fouet
– مجموعة سكاكين كبيرة للحم واالأشياء الصلبة
– مقراج
– طاجين
-قصعة
– مقلاة الحرشة

إيوا هادشي لي بانلي هاد الساعة. لي عندها شي إضافة تزيدها نستافدو من الحادكات والخبيرات

 

أناقة مغربية

قد يعجبك ايضا
اترك تعليقا