عراضة اشمن عراضة…متولة و راقية من الاخت أم أسامة و ايمان

أنيقاتي الغاليات مرحبا بيكم عندي

هاد العراضة عملتها الأسبوع لي فات لصديقاتي كنتمنى تستافدو منها وتعطيكم أفكار جديدة إن شاء لله

بطبيعة الحال وكيف قلت فالموضوع السابق ديال العراضة التحضير المسبق كيلعب دور كبير فالتنضيم

لكن أنا هاد المرة وحيت جات مع السفر والعطلة كان عندي يوماين باش نوجد كلشي والحمد لله ربي ما خيبنيش وداز كلشي بخير

وجدت مويعناتي لي غادي نحتاج مصورتهمش حيت سبق نزلتهم فالموضوع السابق

فاليل وجدت الحشوة ديال بسطيلة د الحوت وشرملت طريفات د الحوت غادي نوق بيهم بسطيلة وعملت كلشي فالثلاجة

حشوة البسطيلة خليتها بلا شعرية الصينية حتى قربت نلويها عاد طيبتها لدقائق وزدتها على الحشوة

صورت المراحل إن شاء لله نزلها في موضوع مستقل

هاهما المقادير والطريقة على ما نزل الموضوع

 

 

a8kdjky66d03c5vkjoei
f001yfgmupjc3lcgostx iu3xxpfr8vscrlkny1y nl12is37mbg6oh4lch8i 1y6olzj542el2ptv91ms
مقادير  بسطيلة الحوت :

 

1 كيلو غ جمبا ( قمرون ) + 750 غ كلمار + 500 غ هبرة الحوت ابيض نقصت منو شوية للتزيين + 3 حبة طماطم كبيرة حمرا مقطعة مكعبات صغيرة

2 حبات فلفل أحمر مقطعين مكعبات + تقريبا 5 م ك قزبور + 2 أو 3 ضروس ثوم محكوكين + 10 ورقات الرند + 3 م ك تحميرة + 1 م ك كامون + نص م ك إبزار +

نص م ك سكنجبير + ملح حسب الذوق + الحار حسب الذوق ( لذتها تكون شوية حارة لكن ماشي بزاف ) 1 علبة صلصة الطماطم solis أو أي صلصة تفضلوها

2 علب الشعرية الصينية كبار + زيتون أخضر مقطع + نص حامضة مصيرة مزولة ليها اللبابة + الزيت بلدية ورومية + 1 علبة شامبنيون

الطريقة :

 

نعمل الكلمار فالزيت هو الأول ومرة مرة نحرك حتى يبدا يتطرطق غير يبدا يطرطق نعرف انه طاب نضيف عليه الفلفل احمر يدبال ونضيف الثوم محكوك ( راجلي كان مسافر

تبرعت بالثوم مزياااان هههههه ) نضيف القزبور غير تبدا تطلع ريحت الثوم تطلع نضيف التوابل كلها والملح ونخليهم شوية ونضيف مطيشة و الصلصة ونزيد الجهد للعافية

ومرة مرة نحرك هاد العملية كتخلي مطيشة تطيبة بسرعة وتنشف شوية من الما نضيف الكروفيت وطريفات الحوت ونخليهم يطيبو شوية ونضيف الزيتون الشامبنيون ونخليهم شوية يطلقو فبعضهم

نغلي الشعرية الصينية فالماء وحد زوج دقايق ونقطرها ونقطعها بالمقص ونضيفها للخليط ونخلط مزيــــــان

أنا فهاد المرحلة كنحيد الرند كلو ومنين تبرد نلوي البسطيلة بالطريقة العادية ونطيبها في فرن ساخن ونقلبها عاد نقدمها باش كتجي لونها محمر بالعطرية إدا شفتها بقات رطبة بزاف

كنردها لتحت الشواية غير تتقرمش شوية

طرياف د الحوت لي شرملتهم بالثوم والقزبور والتحميرة والكامون ليبزار والملح والحار وشوية د الزيت نعمرهم فقطيبات د الخشب لي سبق رقدتهم فالمسا ساعتين باش ميتحرقوش

وندخلهم للفران ونقدم بسطيلتي بالصاحة والراحة

 

من بعد بسطيلة قدمت طارطة كواخادة ساهلة بزاف وراقية وكتحمر الوجه

vq9afzwbpyujolb3z0w4

 

 

 

البينيي والدوناتس من عجينة واحدة

 

w0h0nksvy1pb2zgn6kn 9a9k2clzus51pwh77so

المقادير : 2 بيضات نهرسهوم غير من لفوق باش نبعبر بيهم + نصف ليمونة محكوكة ومعصرة ( حامضة )

500 غ دقيق + شوية خميرة الحلوى + خميرة الخبز(عينك ميزانك وحسب حرارة الجو)

2 م ك سكر + شوية ملح + البيضة لي هرسنا باش نعبرو بيها كنعملو 2 بالزيت و 2 بالماء

الطريقة : نخلط السوائل مزيان ونضيف الدقيق ندلكها مزيان نخليها ترتاح شوية ونطلقها ونشكل دونتس أو بينيي حسب الرغبة

نخليها تخمر مزيــــــــان ونقليهم والتزيين حسب الرغبة

ملاحضة : أنا عملت المقادير X زوج

 

مربعات بالعجين المورق والكريمة

 

 

yzcg9abgjj8k9ubol963

العجين المورق تطلق العجينة وتقطع مربعات تذهن بالبيض وتعمل خطوط بالفورشيط وتدخل الفران منين تبرد نقسمها فالنص بالعرض ونعمر بكريم فرش مطربة

 

 

الكريب مالح معمر ومقلي

 

 

x0i1n1mzn3dxzpzjpyem

الضفيرة بالعجين المورق والكفتة

 

o8jemcdkovfqfpfjl36

العجين المورق + بصلة مشلضة + كفتة + صلصلة الطماطم + ملح + إبزار + الحار + شمبنيون

نشحر البصلة نضيف الكفتة والتوابل نفتتها مزيان ونضيف صلصة والشامبنيون ونخليها شوية ونطفي عليها

نطلق العجينة ونقطع الجناب تذهن بالبيض تعمر بالحشوة

ونبدا نجمع مرة من جهة ومرة من جهة تذهن بالبيض تزين بالسانوج وإلى الفرن

 

les canapés

 

x0jh5file45ununcj77y 0s80m9rfis3wo1ga2tn3 5zxu70azm2u6jn3b1pgw 1roepi2b4zrs5706hkh7

 

 

شكرا أم أسامة و ايمان

قد يعجبك ايضا
اترك تعليقا