طريقتي باش تبقالي الماكلة سخونة فعاوط سخن ياما تسخن..فكرة روووعة غتنفعك بالضياف و بلا ضياف

السلام عليكم و رحمة الله و بركاته،

بلاتي فين غاديين؟؟

سميوا الله و صليو على سيدنا محمد هو الاول!

القضية و ما فيها هي انني تنتكره بعض المرات خصك اما تسناي راجلك حتى يجي و يبدل و يشد الارض

عاد ارى عاود سخن و شعل على الماكلة تدفى..و انا هادشي تيطلع لي الدم. اما الا عندك الضياف حشمة

واش من حشمة الا حطيتي الماكلة باردة او السلطة اللي مفروض فيها تكون منعشة تحطيها تتجيب السخفة

هههه كاين هذشي و لا لا؟؟ هذه الطريقة غتفيدكم سواء الا جاينك الضياف او غير انتي و راجلك و ولادك..

ايوا الحمد لله هداني سيدي ربي لواحد الحل و طبعا ما يمكنش نسخن بلاصتي الا ما قلته خخخخ

بالنسبة للسلطات الباردة تناخذ صحون التقديم و تندخلهم للفريزر مدة ثلاث الى اربع دقائق (كل وحدة

غتعرف الوقت المناسب بحسب الفريزر عندها). و طبعا السلطة تتكون اصلا فالثلاجة.

عند التقديم تنجبد دوك الطبيسلات و ندير فيهم السلطة و تتبقى بااااااااردة و منعشة..

بالنسبة للاكل تناخذ الصحن و نشعل الفران و ندخله له حتى هو غير بوحده تنخليه حتى يشد السخونية

و نخرجه قبل التقديم فقط و احيانا تنطفي الفران و نخليه شاد السخونية ملي تنحط فيه المرقة او اي حاجة

كنت مصايباها للعشاء تتبقى شادة السخونية و تنغطيها بشي غطا باش ما تبردش دغية..و بهذه الطريقة

تنحط ماكلتنا ماشي حتى يدخل عاد نبدا نشطح فالكوزينة هههه و في الاخير اللي سخون يبرد و البارد

يسخن. ايوا كيف جاتكم الطريقة؟

ملاحظة: بالنسبة اللي بغات تدخل اي حاجة من الماعن للفران او الفريزر لابد ما تكون عليه

علامة انه امن الا دخلتيه و ما غيطرطقش «Oven – freezer safe».

ما عندكش؟؟؟ اوكي فكرت لك فالحل..

غتحطي الطبسيل فالثلاجة بكري و مشي فالفريزر و لكن مدة اطول حتى يبرد مزياااااااان.

و عوضما تدخلي الطبسيل للفران غتطيبي الماء مزياااااااان و تغطسي فيه الطبسيل ديال التقديم ما عليك غير تجبديه

ملي تحسي سخن و تحطي فيه الاكل و بهذا حتى الا كنتي موظفة تتوفري الوقت فشعل و سخن من اول و جديد.

اه شوفوا مواضيعي من تجاربي الخاصة و الا نقلت شي حاجة تنقول منقول و اللي نقلات شي موضوع

تقول راه من الجمال المغربي و لا ما نتفاكش معها

قد يعجبك ايضا
اترك تعليقا