شيفلور بكويرات الكفتة..سهل واقتصادي ولذيييذ متشبعيش منو
الطريقة هي
غلي الشيفلور من جهة مع ورقة رند وشوية ملح و سنة ثوم و كي يطيب قطريه و خليه يبرد مليح
2- وجدي لاصوص: حبة بصل – 2 سنات ثوم كرفجيهم زيديلهم مغرفة طوماطيش مرحية زيت – كمون و فلفل اسود و راس الحانوت و حبة جونبو تاع الدجاج بالاضافة ادا كان عندك جاج او لحم حمسيهم و مرقي غير بالعقل و الاحسن تمرقي بالماء الساخن و كي يغلي زيديلو الزيتون (نكوني غليتيه بالقارص ) و الحمص كي تقرب تطيب قطعيلها شوية معدنوس و متنساوش الملح عينك ميزانك 😉 ديروها شويية مالحة باش تشرب الباطاطا مليح
3- وجدي كريات اللحم:لحم مفروم و 44 سنات ثوم و معدنوس و شوية مغرفة اكل دشيشة المرمز الرقيقة و فافل اسود و كمون ونقسمو نصفين النصف الاول نعملو كريات صغيرة و نرمدها في الفرينة ونزيد نغمسها في بيضة مخفوقة و نزيد نرمدها في لاشابلووغ ( خبز يابس مرحي) ونقليها مليييح و نصف الثاني نخليه باش نزيدو مع الشيفلور لي كنا غليناه.
4.- نقطع البطاطا الى قطع صغيرة كما في الصورة و نقليها مع العلم ديرولها شوية ملح لانو رح تزيد تشرب من لاصوص.
55-نوجدو كريات الشفلور:شفلور ارحيه بالفرشيطة مليح زيديلو الفورماج على حسب رغبتك و فلفل اسود كمون راس الحنوت وزيديلو هداك اللحم المرحي الي خليناه زيدولو زيتون اسود قطعوه قطع صغيرة. شكلوها كريات صغيرة رمدوها في الفرينة زيدولها في البيض و زيدولها في لاشابلوغ و قليوها حتى تحمااااار مليح
6.-ملاحضة:كريات اللحم و الشفلور خلوهم يبردو ملييح.
77-في مول حطي الباطاطا زيديلها الزيتون و الحمص الي كانت في لاصوص زيدي فوقها الدجاج او اللحم و زيدي حطي فوقها ليبول تاع اللحم و الشيفلور و فرغي لاصوص فوقهم بالتساوي و دخليه للفور مدة 10 دقائق.
8 -وشهية طيبة