شوصون بالصوصيص كيجي رائع و مذاقه لا يقاوم

هاد الشوصون كيجيو خفاف حيت كيطيبو في الفران وروطب حيت فيهم خميرة العجين ولداااااااد حيت فيهم حشوة روعة كتشبه حشوة البيتزا
بالنسبة للعجين هادو هما المقادير اللي درت
250غرام دقيق
معلقة صغيرة ملح
معلقة صغيرة خميرة
معلقة كبيرة زيت زيتون
معلقة كبيرة فورماج محكوك
معلقة صغيرة حبق (إختياري)

بالنسبة للحشوة
فلفلة مقطعة مربعات
بصلة مشلضة
2 معالق كبار زيتون أسود
معلقة صغيرة إبزار
معلقة صغيرة كمون
معلقة صغيرة تحميرة
معلقة صغيرة ملح
رشة حبق
معلقة كبيرة فورماج محكوك
2معالق كبار زيت
معلقة كبيرة مطيشة الحك (مركز طماطم)
بيضة للدهن سمحوليا ماصورتهاش
250 غرام صوسيس

عجنت العجينة وخليتها ترتاح بينما وجدت الحشوة
قليت البصلة شوية
زدت عليها الفلفلة والملحة والعطرية
ذوبت مطيشة الحك في شوية ما وزدتها وخليت الحشوة حتى طابت الفلفلة
حيدت الجلدة للصوسيس وزدتو هو والحبق
سمحولي على الصور إلى كانو مضببين على حساب البخاراللي طالع هو اللي كيضبب الصور
منين طاب الصوسيس زدت الزيتون والفورماج خلطتهم وطفيت عليهم وخليت الحشوة تبرد شوية
على فكرة الريحة اللي طالعة ممممم كتحمق
رشيت شوية الطحين وطلقت العجينة قطعت دوائر ودهنت الجوانب بالبيضة اللي طربت

عمرت الدوائر كل وحدة بمعلقة كبيرة من الحشوة وسديتهم ضغطت عليهم بالفورشيطة باش مايتحلوش منين يطيبو ستفتهم في لاطة اللي غادي ندخلها للفران دهنتهم بالبيضة والصور كتوضح كلشي

خليتهم يخمرو نص ساعة هاهما منين خمرو عاودت دهنتهم بالبيض ودخلتهم للفران سخون على حرارة عالية 200درجة لمدة 30 دقيقة وأنا كنراقبهم كينين اللي طابو قبل وكاينين اللي من بعد

3ws8eeelcs80m2lllbwp wczwzq6yo4wrnnswbkz nm7veg0ejbii31s3vc9p bk84yc3q84zuz1gnveuk up13rpscnlwv10389v0 whyzmqktciyw632fl7la 3dyq1mf729qslnbrovv9 c8l3ehkrz16f4lxs1nbn p2lkr3va9cziyrmb6fot f5t61k7qviqytw2rxroe 6kyubyzxv9rzblj2i2t9 optmmqq1m9fvtiuluekh

قد يعجبك ايضا
اترك تعليقا