شهيوات رمضان.. بسيطلات بالفواكه الجافة مذاق مميز لي ذاقهم يحير باش معمرين

المقادير
2 دجاجات مغسولين و مقطعين على 4 نديرهم في الكوكوط
و نزيد العطرية
سكنجبير
ابزار
ملح
خرقوم عرق
مسكة حرة مدقوقة مع م ص سكر
قرفة
عود قرفة
زعفران شعرة
ضامة زعفران
بصلة مشلضة
م ص سمن
كاس زيت
كاس ماء
نخلط هذا التوابل كلها ونخليوها مرقدة اطول مدة
و نسد عليها غير شوية تحيد الدجاج و يتفرتت و نزول العظام و نحتفظ بالمرق
عندنا 2 كغ بصل ابيض مشلضين رقاق نديرهم في مقلة مع م ك زبدة و م ك زيت خرقوم قرفة ملح شوية و نخليوهم حتى يدبالو مزيان و نرجعوهم مع المرق اللي بقا لينا و نخليوهم حتى تبدى البصل كي يتعسل و نزيد 2 م ك عسل و م ك قرفة و شوية مسكة حرة و ساشي ديال الزهر نبقاو كنحرك حتى كتعسل البصل و مي بقاش فيها الماء و نضيف ليها الدجاج اللي فرتتنا و نخلط جيدا حتى يتلبس بالدغميرة و يتشرب نصب الخليط في صفاية و نخليوه يتقطر حتى يبرد الخليط

نوجد الحشوة الفواكه 
200غ مشمش
200غ تمر
200غ برقوق
200غ شريحة
250غ لوز مفسخ و مقلي و مهرمش
80غ ليمون معسل مقطع طريفات
ننقع الفواكه في ماء مغلى و نقطع الكل طريفات رقاق ندير الكل في المقلة مع م ك زبدة م ك سكر بني قرفة مسكة حرة ساشي زهر و نصف كأس عصير ليمون نخلط الكل و يتشحر مزيان 5 دقايق خارج النار نزيد اللوز مهرمش و 2 م ك نستلي كراميل نخلط جيدا ونترك الحشوة تبرد تماما و نعمر البسيطلات حسب الرغبة