شعرك جاف و حتى ميتت!!! عندي ليك الحل النهائي…مجرب و مضموووون

سلام عليكم اخواتي،راني ديما كنجيب ليكم اي حاجا جربتها في نفسي اولا و الله شاهد
اليوم احبيباتي عندي ليكم الحل النهاءي انشاء الله للشعر التالف و الجاف جدااا
كلكم كتعرفو المنتوجات للي كتباع في صيدليه شحال غاليه،لكن واش شي وحده بحتات في المكونات دايل احسن المنتوجات؟؟؟؟
انا قمت بالمهمه و توكلت علي الله،و الله من اول مره غادي تشوفي فرق رهيب

غادي تمشيو صيدليله او پارا فارماسي،و تطلبي زيت الماكاداميا huile de macadamia 30dh للي كتعمل تقريبا ايلا غلات
راه هي للي موجوده في جميع المنتجات الباهضه الثمن و للي طبعا مفعولها باااين.غادي تشريو قرعه شوفو الفرق من اول مره،دهني شعرك كل يوم بيها
خلال شهر انشاء الله غادي تقولي هادا ماشي شعريي،و دعي معايا و معا ماما الله يرحمها

و قبل الحمام.،غادي تديري زيت الماكادميا و زيت الجوجوبا للي كيطول الشعر عن تجريبه ،و زيت السمسم،و زيت الافوكا،زيت القمح،زيت اللوز،زيت الخرواع،زيت الكوكو
كلشي خلطيه بمقادير متقايسه،و ديريه في مولاي الشعر من بعد غسليه بهاد الشمبو تاهوا من پارافارماسي ديرماتولوجيكال
dermatological shampoo 45.80dh

خودوه للشعر المصبوغ،و هدي نصيحه للبنات للي شعرها متضرر و جاف وخا ميكون مصبوغ تاخد شمبو هادا،لانو كيكونو معملومين باش يغديو شعر المصبوغ و يحموه من ضرر،يعني كيفيدو اكثر من اي نوع ثاني من شامبو
رخيييييييص و غزااال،راه متحتاجيش من بعدو لا كريم و لا ملين، و الله يبانات غادي تشوفو شعركم يوم عن يوم يسترجع حيويه و يتغدي و يصير حريررررررررررررر انشاء الله
دعاوتكم معي

 

قد يعجبك ايضا
اترك تعليقا