سفة الروز مصلوق و الزبيب بالقرفة و السكر

مقاديرسفة الروز  على حسب عدد الاشخاص انا درت قياس طبسيل كبير.

نص كيلو روز اصفر كلاصي (كناكد الصفر ماشي لبيض)
3 اعواد قرفة
شوي الملح
شوي الزيت
شوي الزبيب مغسول(اختياري)
الما (لقياس ديال الروز 2 مرات ونص) يعني متلا انا هنا درت زلافة عامرة ونص ديال الروز درت ليها 3 الزلايف ونص دالما
سفة الروز مصلوق و الزبيب بالقرفة و السكر

كنديرو الكل فالككوط نسدو عليها ونديرو الصفارة ونجهدو البوطة وملي تصفر نقصو العافية ونحسبو 13 د ونطفيو مباشرة ملي نطفيو عليها منحلوهاش ونغطيوها بمانطة ونخليوها شويا و هاهي واجدة. نحيدو عويدات القرفة ونزيدو الزبدة والسكر. نخلطو مزيان ونقدموها بالصحة و الراحة. على حسب الدوق. انا كان شايط ليا شوي الدجاج محمر من واحد لعشيوة ودفنتها بيه.

سفة الروز مصلوق و الزبيب بالقرفة و السكر

سفة الروز مصلوق و الزبيب بالقرفة و السكر

سفة الروز

نصيحة
خصها متصاوب حتى نقربو نقدموها ودغي تقدم لان يلا عطلناها غادي الروز ينشف و يقصاح ونضطرو نعاودو نسخنوه فالكسكاس نتمنى تجربوها وتعجبكم

 

قد يعجبك ايضا
عرض التعليقات (1)