سر من أسراري و الطريقة من بنات أفكاري…لا تفوتكم وصفتي العجيييبة!!!

السلام عليكم اخواتي نتمنى تكونو باحسن حال
و بلا منطول عليكوم نبدا بالاسرار ديالي
ايوا قربو ودنيكوم
اهم حاجة لوحي كاع الكريمات لي عندك حيت عامرة غير بالمواد السامة و خصوصا ديك الفون دو تان خليك طبيعية و مشرقة
و عانقي معايا الطبيعة ههههههههه
ندوزو للطريقة
اولا الروز كنبيتوه فاكاس ماء و ياريت الارز الكامل الا مكانش براكة غير الروز العادي خليوه ليلة كاملة و غطيوه لا طيح فيه شي عنكبوتة فيه و تسرق لينا البياض هههههههه

مني يبات نحركوه بمعلقة مزيان و نخويو غير الماء ديالو في رشاش بحال هدا راه كيكون عند مالين الماكياج و يكون صغير باش نخبعوه حتى فالصاك ديالنا

و نبقاو نرشو وجها و خص يكون الوجه مفيهش الكريمات يعني طبيعي و خصها تولي عندكوم عادة حتى تحصلو على النتيجة لي ترضيكوم ان شاء الله ومرة مرة بدلو الماء ديال الروز

فكرة اخرى البنات لي هلكهوم حب الشباب

غتغليو البابونج في الماء و تخليوه يبرد و هوب الى الرشاشة العزيزة و بقاو تشتشو ههههه راه كيبس حب الشباب و مطهر

لي مبليات بماء الورد الطبيعي عمرو القرعة و اراكوم للتشتيش

نتمنى تكون عجباتكوم الفكرة و طبقوها ممنوع الخروج من دون رد و لا منعاودش نجيب ليكوم اسراري ههههههه