سر بنة فطويجناتي ولي داقو يقولي عطاك الله صحة

كنقدم ليكم طريقتي فتحضير الطاجين بالخطوات المفصلة واللذة منقولكش وفيه مرحلتين.

نحضر طاجين اللحم ؟؟؟

المرحلة الاولى وانتبهي لكل كلمة :

-سلقي اللحم في الماء لمدة 15 الى 20 دقيقة في الكوكوت

– خذي اللحم فقط ضعيه في الطاجين المفروش بخيزو طويل واعواد الربيع

– ضعي فوقهم اللحم والبطاطا او الخضر التي اخترتيها والبصل مشلض والربيع مكرض

– خذي ماء اللحم اللي في الكوكوت راه باقي سخون

ديريه في زلافة واظيفي اليه نصف كاس زيت الزيتون

والتوابل :

شوية ملح، سكنجبير، شوية تحميرا، شوية ابزار، خرقوم، 4 فما فوق ديال اضراس الثوم مضغوطة

خلطي بملعقة هاد التوابل مزيان مع ماء اللحم وصبيها فوق الخضر، بشكل دائري واقفلي الطاجين وخليه يطيب على المهل منبعد زينه بالزيتون الحامض والقزبور.

نصيحة لله :

اياك تكثري الماء راه الماء هو العدو الاول ديال البنة.

المرحلة الثانية

شدي كوكوت وديري فيها هاد شي :

جوج ماطيشات منقيين ومكرضين رقاق

كرعة وحدة او جوج خضراء مقطعين مكعبات

شرمولة الحوت كااااااااااملة

ولكن :

كل حاجة من التوابل منها شوية، و ملعقة مركز الطماطم، وربع كاس زيت، وشوية من ماء اللحم جهد كاس

سدي على هاد الخليط فالكوكوت وخليه يتشرب الماء ويتختر وردي البال لا يتحرق

ملي يتختر ويشرب الماء ديالو خذي هديك لاصوص وفرشيها فوق الخضرة واللحم ديال الطاجين ووزعيها بذوق رفيع، ثم اقفلي الطاجين وخلي هديك لاصوص تنزل وتتشربها الخضرة
و ما غديش نحكي ليكم على البنة لان الدور دوركم انتم

قد يعجبك ايضا
اترك تعليقا