خلطتي المغربية 3 في 1…لتنظيف الأحواض و الزليج و تلميع الموزايك…لن تستغني عنها بعد تجربتها

السلام عليكم ورحمة الله وبركاته
هدي واحد الوصفة جربتها فالمختبر ديالي اللي هو الكوزينة وصدقات ونتائج جد جد مرضية وقلت ولابد مانقولها لصحاباتي وحباباتي

مقدار ديال الصابون البلدي مع نص كاس الخل وم ك بيكاربونات الصودا وشويا ديال الما باش نطلقو الصابون اكون مغلي( انا درت صابون بلدي قديم ولى سائل وبهدا استغنيت عن الما مادرتوش) الكمية على حساب المكان اللي بغا تنضفي

خلطي كلشي حتى اولي كريم ودهني بيه المكان المراد تنضيفه خليه يترقد انا كنبدى بيه الاول بينما نسالي شغالي ونحكو كيعطي نتيجة مبهرة
ويمكن ديري هاد الوصفة للزليج لاموزيك ولافابو داكشي علاش قلت 3 في1
جربوها وردو عليا الخبار ولهلا احشمنا هههه