خصر نحيف،أرداف مشدودة، و بطن مختفي :هذا هو السر بدون وصفات

الحلم ديال كل سيدة تكون عندها قامة مميزة و تفاصيل جسم ممشوقة بدون مبالغة و بدون قوة الوصفات بلا فائدة و لي يقدر يكون مفعوولها طويل المدى لهذا جبت ليكم معلومة غادي تجربوها وترحموني عليها:

كاين نوعين من الناس :

نوع طريقه جلسته تاتكون منحنيه يعني تايخليو ظهرهم احدب…و لاحضو اكتر اللي تايجلسو بهاد الطريقه ماعندهم مؤخره ولا خصر

نوع تاني جلسته فيها استقامه للظهر او تقوس الظهر للداخل…و لاحضو اللي تايجلسو بهاد الطريقه تايكون عندهم مؤخره و خصر

اللي تبغي يكون عندها مؤخره و خصر لازم تغير طريقه الجلوس…و انا نقولكم كيفاش

دائما انا تانقول دائما ماشي احيانا، خلي ظهرك مستقيم و مقوس للداخل
مع الضغط على المؤخره وكأنك تاتكبريها متعمده…و فشي بطنك شفطيها للداخل
باش تقوي عضله البطن و تشديها…
و حتى و انت تاتمشاي كبري المؤخره والظهر نفس الطريقة اللي قلت لك..مع سحب البطن للداخل
و فينما تنساي عاودي فشي كرشك
و شربي تلات مرات فاليوم
الشاي الاخضر
يعني الصبح والعشية والليل

و النتيجه ايمتا ؟ بعد شهر واحد فقط غتحسي بالخصر صغار و الخلفيه كبرت و البطن نقصت
لكن ايمتا يبدا بنادم يرد البال و يسولك كي درتي…بعد 3 اشهر
عن تجربه جابت نتيجه للعديد من المجربات

الزبده من الموضوع…ان جلستنا اللي تانجلسو هي اللي تاتحدد منظر اجسامنا
و طريقه جلستنا الاعتياديه هي اللي تاتعيق نمو المؤخره للوراء لانه احنا ضاغطين عليها فالمكان اللي المفروض انها تنمو منه..نتمنى تفهموني
و المراه اللي دايما تاتخيط بيدها شوفو صباعها فيهم اثر شدة الابره رغم انه عظم لكن حتى العظم تغير
و لاحضو البنت اللي دايما تاتلبس صايه مضيقه شوفو كيفاش محدد الخصر عندها

السر : ان العظم ممكن يتغير من طريقه الضغط عليك فمابالكن بالشحم او اللحم
هنا تعرفو فايده جلسات اليوغا

الجلسه فالاول غتجيكم صعيبه لانكم ولفتو تقوسو ظهركم و تتكاو و تضغطو عل المؤخرة
لكن مع الولف و التعود يولي يجيكم الموضوع سهل
لان هاد الجلسه هي اصلا رياضه بحد داتها
و ايضا و الاهم من هدا انها من صفات الانوته

و الشرط اللي بيني و بينكم هو 3 اشهر…و غتلاحظو تحول كبيييييييير فاشكال اجسامكم