حصريا بمناسبة اقتراب رمضان…عصير جديد و منعش،صحي و كيخرج بزاف

عصير منعش وإقتصادي وجدوه في شهر رمضان الكريم من الأخ مروان

المقادير:

4حبات ليمون برتقال
6حبات جزر منقيين ومزولين ليهم القلب ومقطعين على شكل طولي
2حبات من التفاح
2لتر من الماء عادي
1ساشي فاني
السنيدة حسب الذوق

طريقة التحضير:

ناخد 2 حبات من الليمون ونقطعوهم على شكل دائري ونحيدو ليهم البذور وفي طنجرة أو كاسرونة ندير الجزر وشرائح الليمون و 1 لتر من الماء ونسلقهم فوق البوطة مدة 20دقيقة ونسدو عليهم حتى يبان لينا الليمون والجزر نزل
ملي نطفيو عليهم نخليوهم حتى يبردو
و2 حبات ديال الليمون اللي بقاو حتى هوما نقطعوهم على شكل دائري
وناخذ الخلاط الكهربائي وندير القليل من الجزر والقليل من الليمون اللي سلقناهم وكمية من الماء اللي سلقناه فيهم ونضيف القليل من الفاني و2 معالق كبار سنيدة و نزيد القليل من الماء العادي وبعض شرائح الليمون ونطحنو كلشي مزيان ونصفيو العصير في صفاية ونكملو المقادير اللي بقاو بنفس الطريقة وملي نصفيو العصير نحتافظو بكمية في شي قرعة والكمية اللي بقات نديروها في الخلاط الكهربائي مع 2 حبات التفاح ونطحنهم مزيان وندخلو العصير للثلاجة ونقدموه بارد وبصحتكم