جوج عراضات خفاف ظراف من الأخت أم أيمن و أسامة و الأطباق من الالف الى الياء…استوحي منها أفكارك لالة
السلام عليم ورحمة الله تعالى وبركاته
كيدايرين اخواتي نتمنى ان شاء الله تكونو بالف خير نبداو على بركة الله مع العراضة الاولى للكوتي هادشي اللي حضرت
بريوات بالحوت كانو عندي فالمجمد نسيت ماصورتهمش فاش حمرتهم فالفرن
وشوصون بالطون والفلفلة مشوية والبصلة مشلظة ومحمرة فالزيت والبيض مسلوق والهريسة
مادلين بالشكلاط وحبيبات الشكلاط
وحلوى حتى هي كانت عندي فالمجمد
وطارط بلاباط بريزي والجبن والتفاح معسل
ودرت تشيز كيك بالقهوة والبيسكوي
وهادي عراضة للعشا جات على غفلة يلاه دخلت من دار القران مع 5 دالعشية وهو يعيط لي راجلي وقالي راه لوسي وواحد السيد معاه جايين للعشا انا كنت موجدة غي الصوبة دالحوت فالصباح بعدا نفعاتني وبديت منAحتىZ وهادشي اللي كتاب نوجد ف3دسوايع هههه
سبقت ليهم الصوبة بالخضر والكروفيت وكلمار مع التمر
من بعد سلاطة خفيفة الروز بالكروفيت والسوريمي والمايونيز غلفتو بلاداند ودرت بطاطا مشرملة مع خيزو والخيار والكروم بالمايونيز كما باين فالصورة
ودرت الدجاج محمر بالحامض
وفالاخير وجدت فلان بطبقتين وحدة عادية والتانية شكلاط وزينتو باللوز مهرمش والاناناس وطبق ديال الديسير
