جبن منزلي للدهن بالخل و عصير الحامض
بسم الله اللهم ادمها نعمة واحفظها من الزوال
جبن للدهن منزلي أحسن من الي نشريو وكيعطي كمية كبيرة
ديرو لتر ونصف حليب كامل الدسم في الكاسرونة حتى يغلى ضيفو ليه 2 معالق خل وحركو حتى يتعزل الجبن خليوه يرتاح نصف ساعة وصفيوه واحتافظو بداك الماء كبو الجبن بعد ما يقطر ويبرد في المولنكس زيدو 3 معالق كبار عصير الحامض و 3 فرماجات مثلثين أو أكثر حسب الي متوفر زيدو شوي الملح حسب الرغبة حيت كاين الي يبغيه مالح أو نص نص ومعلقة صغيرة زبدة وزيدو شوي من داك الماء الي صفيتو منو الجبن غي شوية باش دور مولنكس وشوفو الى جا ثقيل زيدو غي متكتروش باش يعقاد طحنو مزيان وكبوه فشي قرعة ديال الزاج كتسد مزيان ودخلوه للثلاجة شحال ما برد كيزيد يعقاد أكثر وبالصحة