تنظيم..حلول للفوضى..أعمال يدوية بسيطة لمنزل أكثر تنظيم

1. هاديك الكرتونة ديال البيض كنت غنلوحها و ملي شفت الطوانك الا بغيت نختار شي وحدين نلبسهم خصني ما هي و ما لونها

   و انا تنقلب عليهم حطيتهم فهادي و تنوصل لهم فثواني..ممكن تزينوها كيف بغيتو

   بامكانكم ترشوها بالسبراي ديال الصباغة او تزينوها بالورد او …و نتوما و افكاركم

   انا هذه خليتها على طبيعتها و ستفت فيها الخواتم و الحلقات…و طبعا ملي تديريها فالمجر ديال الكوافوز ما تيترونش..

   فكرة اخرى للبلاستيكات هاد المرة للاحجام الكبيرة و اللي قلييييييل فاش تنحتاجوها و لكن لابد واحد النهار

   تتحتاجي الاحجام الكبيرة لهذا ما تنرميهمش كاملين تنخلي شي وحدين عندي للظروف!

   تنسرحهم مزيان تنلويهم غير هكاك او على الرولو ديال ورق الالومنيوم و تنشدهم بلاستيك

   و اللي زوين فهذه الطريقة انها سهلة فالتخزين.

   هذا المجر اللي فيه الفوطات فاش تنمسح يدي ديال الكوزينة و الزياف ديال الماعن تنطويهم

   وتنحطهم واحد من ورا واحد و تيبقى دائما مجموع لانهم مشي محطوطين فوق بعضياتهم! و تيبقى الترتيب

   باين تنهز من الامام للخلف..

   تتعرفوا دوك الطبيسلات فاش تنشريوا الدجاج او اللحم من السوبر ماركت؟؟؟

2. تنغسلهم بالماء طايب سخووووووووووون و جافيل مزياااااان حتى يحمدوا الله و تنستف فيهم

   ادوات الكوزينة بحال هاد المجر خاص بداكشي ديال الحلوى و داكشي اللي عنده استعمالات خاصة

   بحال شيتة ديال الورقة و باش تنحل بواطة ماطيشة او الطون و غيره من الطابعات ديال الحلوى و المدلك …

   تيبقى كل شي باين و ما عنده فين يتوضر! و بنفس الوقت بلا ما نحتاج ميزانية للشبيكات + انهم تيخذوا

   مساحة اكبر

بواطات طلبنا فيهم اكل من برة و استعملتهم لتنظيم ادوات زوجي من لقاط و غيره هههه

باش ما يبقاش يرون المجر الا بغى شي تورنفيس ههه

راه تكونوا حتى تعياو ما تكونوش بحالي انا و لاستيكات ديال الشعر..شي فلا تروس و شي فالحمام و شي

مزلع هنا و لهيه..صافي جمعتهم هنا و تهنييييييييييييت خخخخخ

طبعا الكرتونة ديال ورق التواليت ههه زوقتها بريف ديال توب

و اللي عندها البنيات تعلهم النظام بهذه الطريقة باش ما تبقاش توضر لاستيكات الشعر