تجربتي في زرع الخس البيولوجي في السطح او البلكون

السلام عليكم ورحمة الله
كيف عاملين البنات لاباس عليكم عندي لكم اليوم تجربة جديدة في زراعة الخضروات
انا غنتكلم على تجربتي في زراعة الخس البيولوجي اي بلا مبيدات اعتمدت في زراعة
على كل ماهو طبيعي بحال التخت القهوة والدبال وفي الدوا كندير ليه السودانية كنرقدها في الما ليلة كلملة ومن بعد نبقا نرش به الغرس باش نقضي على الحشرات
غدي نخصو وقت لسطح والبالكون نضفوه من الازبال والقش لي عمر به ونجهزوه لزراعة

اش عدين نحتاجو باش نزرعه
-محبق يساوي القطر دياله 20 سنتيم
-الدوبال و التخت القهوة
-زريعة الخس (راه متوفر في مرجان)
-التراب
-الما
الطريقة
نخلط التراب مع الدوبال والتخت القهوة ونعمرو به المحبق ونرش الزريعة الخس
ونغطيوها بطبقة حفيفة من التراب ونسقيوها بالقدر الكافي من الما انا شخصيا كنستعمل البخاخ

باش نسقي المزروعات كنضرب عصفورين بحجر واحد اولا كنقتصد في الما وثانيا الغرس
كيستفد اكثرمن السقي بطريقة الرش وهكا حتى ينمو الخس راه كيستغرق حوالي 3 اشهر
ولكن الا زرعناه في السطح كيحتاج غير شهرين
في امان الله

قد يعجبك ايضا
اترك تعليقا