تجربتي الناجحة في غرس الافوكا من العظم ديالها

بسم الله الرحمان الرحيم

السلام عليكم ورحمة الله وبركاته

اليوم عندي طريقة زرع فاكهة جديدة انا من عشاق ديالها

راكم عرفتوها من العنوان الافوكا هي فاكهة طيبةالمداق وكنستعملوها بزاف في الكوزينة في شلاظة والعصير والى اخره وكتفيدنا حتى في الجسم

ديالنا كماسكات لشعرنا ووجهنا المهم ندوز المفيد وبلا ما نطول عليكم

ناخد قرعة ديال الكونفتير خاوية ونجيبو حبة الافوكا ونشقوها بالموس وناخدالعظم ونتكو فيها ثلاثة العويدات

ونحطوها مباشرة في قرعة الكونفتير ونخليوها داخل الدار في مكان كيوصل ليه الضوء مثلا حدا الشرجم الكوزينة وما نخرجوهاش البرا باش ما تنشفش ونبقاو كل يومين نغيرو ليها الما لمدة شهر تقريبا حتى تخرج الجدوز ديالها وبعد ما تولي شتلة نقلوها المحبق الكبير تقريبا بعد ما تدوز شهرين
شي دعيوة الخير من قلبكم الطيب
دمتم في رعاية الرحمان والى تجربة اخرى ان شاء الله

قد يعجبك ايضا
اترك تعليقا