بيتزا معلكة وكاتجبـــــد بحال ديال المطاعم من عند دعاء القلوب…وبالسر ديالها!!!!
نقترح عليكم اليوم بيتزا بروفيسيونيل معلكة من عند دعاء القلوب كاتجي غزااااالة بزاااف نتمنى تجربوها وتنال اعجابكم
المقادير :
كيلو فورص
ملح شوية الخميرة تاع الخبز شوية الزعتر
كاااس تاع الزيت العوووود يكون عااامر نيت
كاس تاع الماء او اكتر هد الاخير على حسب نوعية الدقيق
الطريقة:
تنعمل الفورص الملح الزعتر والزيت العود وتنخدمهم بيدي وتنزيد الماء دافىء تدريجيا وتنخليها مرخوووفة،تنبق نعرك فيها وانا تنزيد الماء وخا تشوفوها مطلوقة متخافوووش محدكم تتعركوها وهي تتشد فراسها وتتحسي بيها رطبة مزيان بين يديك ومتتلصقش يعني كل مرة تنبق نزيد الماء حت تنحس بيها مرخوفة مزيان وبلا منوصل للدقيق يعني متنزيدش فيها الدقيق نهائيا هي بوحدها تتجمع ،
نقسمها ونخليها تخمر هنا كل كورة غنخرج منها 2 بيتزات على حسب الطبسيل لي عندي غي نصف ساعة المهم على مانوجد ليها التعميرة ديالها
ندوزوا دبا للحشوة على حسب رغبة كل وحدة :
انا استعملت هنا غي فلفلة مقطعة صغيرة مربعات
الموزريلا محكوكة فالحكاكة الغليضة
الدرة مصبرة
شوية تاع الشومبينيو
الطون
وبطبيعة الحال لاصوص انا تناخد غي حك تاع مطيشة معلبة وتنعمل معاها ملح ابزار كمون تحميرة ودريس توم وشوية زيت العود متنكترش منو تنزيد عليها شوية الماء فاش طيب لي لاصوص وتنخليها حت تتوقف وتنخدم بيها
نسرح العجين بالمدلك رقيقة بحال شكل البطبوط تاع التعمارونتكها بالفورشيط مزيان ،تندهنها بلاصوص وتنرش شوية الموزريلا،عمرت بالحشوة وعمرت بالفروماج للمرة الثانية ودخلتها للفرن تطيب على عافية متوسطة
وبالصحة والراحة
قد يعجبك أيضا
