بياض ناااااااصع من التصبينة الأولى وبلا تقطاع الحوايج

السلام عليكم البنات

اليوم جايبة لكم طريقة غزاله غزاله غزاله ديال تصبين الحوايج البويض

كيفاش عرفتها انا نقولكم:

جا عندي بابا و مشا دوش وانا وجدت لو حوايجو منين سالا مشيت نقولو بالصحة وانا نلقى المايو لي كيلبس تحت الحوايج محطوط

قلتلو علاش ا بابا ما لبستيش المايو? قالي راه ماشي ديالي

بالفعل هو وراجلي عندهم مايويات فحال فحال قلتلو باش عرفتيه ماشي ديالك

قالي هدا لي عطيطيني ديال راجلك انا مايويا ابيض بزاف (حيت جديد) ههههه

بحال لي فيقني مشيت قلبت لقيت بالفعل المايو ديالو ابيض ناصع

بقيت كنفكر قلت انا دايما ما كيخرجوش لي الحوايج البويض واخا كنصبن بالماء الطايب فالماكينه وكنستعمل مساحيق مزيانين

درت النفس وبديت كنقلب حتا القيت واحد الطريقه فواحد المنتدى الله يعطي لمولاتها الصحة

كتعملي الحوايج البويض مع المسحوق فالماكينه وتخدميها علا تلاتين درجة  و خليها تصبن

ومنين تسكت عاودي ديري المسحوق وجافيل واخدميها وتكون درجه الحرارة هاد المرة تسعين

والله يا البنات يلا واحد البياض كيشعل والحوايج كيرجعوا جداااااد بحال يلا عاد مشرييين

ملاحظه:

جافيل يستعمل فالصابون ماشي فالتشلال اووووكي ؟؟

ايوا نتمنى تعجبكم الطريقه

قد يعجبك ايضا
اترك تعليقا