بغيتي طيابك يجب بنين ولي داقو ما يشبعش منو….دخلي شوفي السر لي كندير

 

إلى بغيتي الطياب يجيك لذيذ وقمة في البنة ما عليك غير طبقي هاد الأسرار لي غادي نعطيك واللي غادي ترجع طيابك هائل وللي داقوا ما يشبعش منو.

أولا : الطاجين باش يجيك مزيان متكثريش الماء و العطرية خلطيها بوحدها فشي زلافة و ديري ليها شوية ديال الماء عاد كبيها على الطاجين و بهاد الطريقة الطاجين تيجي متشبعيش منو و لي كلاه تيشكرو

 

ثانيا: فالدجاج المشوي ديري، هاد الخلطة كتجي لذيذة : الثوم + الحامض + التحميرة + شوييية د الحار + الملح + الزعتر + البزار + سكينجبير + القزبر حبوب + الزيت البلدية و بيتي الدجاج فيه و من بعد شويه

ثالثا : إلى بغيتي البنة في الطاجين أو الدجاج محمر أو لحم محمر أو الحريرة أو الكسكس دائما ديري طريف ديال كنور البكري وخا يكون الدجاج

رابعا :  وشرمولة ديال الحوت لي كيتقلى ماديريش فيها الزيت ديري غي شوية ديال الما باش متجيش شرمولة محروقة.

وديال تبخار هي لي ديري فيها زيت. وباش تجي عاطية و واقفة كاندوزها فمقلة على عافية مهيلة

 

خامسا : الفريت باش مكيجيوش هازين الزيت ديري فباطاطا منين تكون فلما شوية ديال الخل .

قد يعجبك ايضا
اترك تعليقا