بغيتي ترجع دارك تتبرق اجي نقوليك على واحد السر عجيب

السلام عليكم الحادكات

حتى انا حادكه وعندي منقول وخا ديما مقابله غير راسي فالمرايه ولكن نهار نوقف تنحمر للوجه هههه
ايوا سمعو لهادي ياربي تطبقوها وتستفدو منها لانني مجربها و نافعاني بزاف
لتلميع البيت واحد النوع ديال الفوطه الى طحتو عليه مغاديش مزال تستغناو عليه لانه رااااائع تيخلي كلشي تيبرق
وهذا اكتشفتو عند هاذوك اللي تيغسلو السيارات راه هو باش تيخدمو ملي تيساليو الغسيل تيدوزو بديك الفوطه وتترجع تتبرق فالاول كنت تنقول يمكن البرودوي اللي تيرجعها هكاك ولكن لاااا داك القماش اللي واعر بزاف راه تيكون فمرجان و اسيما و لكن ماشي ديما مرات تيجيبو منو بزاف مرات متلقاوهش المهم …
انا معرفتوش حتى عملت عليه ابحاث فقوقل هههه المشكل متيكونش فلومبلاج بالسميه تيجي هكاكا كبحال فوطه و لكن هو ماشي فوطه هو مخصص لتلميع الزجاج والاجهزه … وتيصلاح لبزاف دالامور انتوما غادي تكتشفوها بعد الاستعمال كل مره تنكتشف فيه شي حاجه زايده …
المهم بلا منكثر عليكم فالهدره هادي صورتو عقلو عليها و الى شفتوه دغيا طيرو عليه شريوه راه مغاليش مبقيتش عاقله على الثمن ديالو بالضبط

هاهي صورتو

كيف ما قلت ليكم ديرو سميتو فقوقل قماش ستوكات وغادي يطلع ليكم .. طبعا متعولوش تمشيو تسولو عليه وتقولو ليهم عطييني قماش ستوكات حتى حد ماغادي يفهمك
عتمدو على الصوره احسن …