باي بااااااااااااااااي تمارة……اليكم وسيلة تنظيف 3*1 غتهنيكم
السلام عليكم البنات لباس عليكم
من فرحتي جيت نبشركوم 
وبمحض الصدفة مشيت نشري سانيكروا وانا نشوف واحد لقرعة سولت مول لحانوت قال ليا جافيل ديال التسياق قلت بلاك نشريه ونجرب
ملي حليتو لقيتو فحال شامبوان وفيه شوية دريحة الماء القاطع اسمو “وافي”
هزيتو خلطتو مع شوي دتيد وجافيل العادي واجي تشوفي الارض كتلمع
واحد المرة قال ليا راسي علاش متجربيه للمواعن …….وفعلا خديتو وخلطت معاه شوي اوني وحكيت بيه المواعن لينوكس والالمنيوم بالحلفة لغليضةشوي واجي تشوفي النتيجة وااااااااعرة بلا تمارة دجيكس بلا هم يحزنون
ولكـــــــــــــــــــــــــــــــــن خاصكوم تلبسو القفازات البلاستيكية
ملي حكيت لمقراش دارت فراسي طنننننننننن واحد لمرة كان خسر لينا الشوفو لي تيسخن لما بالغاز كان مبوشي والمعلم مشا شرا الما القاطع وغسلو بيه باش يحيد لكالكير فقلت بلاك حتى انا نخوي هاد السائل للمقراش ونشوف وبقيت تنحكو بشيتة وااااااااااااااااااااو نتيجة اكثر من رائعة 
ادن كما قلت 3*1 سيقي حكي لمواعن وحيدي لكاركير
وباي باااااااااااااااااااي تمارة