بالصور عراضة غزاالة ومتولة من الالف الى الياء واطباق مغربية كتشهي

عراضة مغربية متولة من تحضير ilham34

السلام عليكم حبيباتي هادي واحد العراضة درناها لجيرانا .
العرضة غير لرجال الجيران عرضنا 20 شخص والاقتراح كان من ولدي قالي نعرضو على جيرانا الي كانلقاهم فالجامع قلت ليه على بركة الله وحبيت نشراككم صورها .

هذه الحلوة والتمر وجدتهم من الليل

غطيتها بلبلاستيك

وجدت الكيسان المونادا الما العصير لحليب لماس الملاعق الفورشيطات والسرابت ولي نان من الليل
مع الصباح وجدت الديسير وغطيتو

وجدت فاش يعسلو وطرت الحمام والفوطات

وجدت ماعن اتاي

حطيت العاصير ولحليب والكيسان وغطيتهم حتى يقربو يدخلو ونحيد لبلاستيك (راه جوج طوابل كل طبلة كاتهز10)

وجدت الريحة ولبخور

قاديت كل امور الشلاضة من الليل ووجدت الفينيgريت ودخلتهم لثلاجة وغسلت الخس ونشفتو ودرتو فزيف وبلاستيكة ومازيرتاهاش باش مايتهرس ودخلتو لثلاجة وسلقت البيض ..الخ

هنا بديت نقاد الشلاضة

يتبع اللحم والسفة

هذه طريقة سهلة للحم الغنمي
كانرقدو فالزعفران والخرقوم وسكنجبير والملحة وشوية ماء ونحمرو فازيت عاد نزيد البصلة المعدنوس العطرية شووية زيت والثومة ونخليه يطيب ونزيد ماء حتى يطيب وبهذ الطريقة مايخسرش اللحم يبقى مجموع واخا يفوت الطياب ويجي محمر