باش ما تقصاحش ليك البطاطا ديال الغذاء عليك بهاد الطريقة

الغذاء جاهز ..درت واحد الكاميلة ديال الدجاج بالبطاطا شهوة منها

ولكن حتى واحد ماباغي ياكل

اصلهم مالهمش نفس   هههههه

ولكن كيف ما كتعرفو بطاطا غير كتبرد كتقصاح ومكتبقاش زوينة

داكشي لاش قلت نجي نفيد حبيباتي بواحد النصيحة تخلي لك البطاطا تقول عاد طيبتيها

ومن اليوم ما غتولي على تخافي على البطاطا تقصاح

منين يطيب الغذاء أطفئي النار

وخلي الكوكوت فوق البوطة

ما تحيدي الصفارة ما تحلّي الكوكوت

بعد مدة تلقاي البطاطا كانها عاد طابت

ومنين تبغي تقدميها للاكل سخنيها

في الكوكوت المسدودة و عاد صبّيها

وبالصحة والراحة غزالاتي